1. Прескокни до содржината
  2. Прескокни до главната навигација
  3. Кон други страници на DW
Deutschland | Verdichterstation für russisches Erdgas in Mallnow
Фотографија: Patrick Pleul/dpa ZB/picture alliance

Русија го запира гасот за Бугарија и Полска

ЕМФ | агенции
27 април 2022

Бугарија и Полска веќе нема да добиваат руски гас. Рускиот концерн Гаспром денеска, според сопствени најави, ќе ги запре испораките на гас за двете земји.

https://www.dw.com/mk/%D1%80%D1%83%D1%81%D0%B8%D1%98%D0%B0-%D0%B3%D0%BE-%D0%B7%D0%B0%D0%BF%D0%B8%D1%80%D0%B0-%D0%B3%D0%B0%D1%81%D0%BE%D1%82-%D0%B7%D0%B0-%D0%B1%D1%83%D0%B3%D0%B0%D1%80%D0%B8%D1%98%D0%B0-%D0%B8-%D0%BF%D0%BE%D0%BB%D1%81%D0%BA%D0%B0/a-61603709

Полската компанија за гас ПГНиГ објави дека добила писмено известување од Гаспром оти испораката на гас за Полска преку гасоводот Јамал ќе биде прекината.

Полската министерка за заштита на климата, Ана Москва, изјави дека од денеска изутрина (27.04) веќе нема да доаѓа гас преку гасоводот Јамал, а последиците од тоа ќе бидат „мали“. Варшава од почетокот на војната во Украина наведува дека е подготвена за целосна независност од руските суровини.

Бугарија е речиси целосно зависна од руски гас

Ситуацијата во Бугарија е поинаква. Земјата која годишно троши околу три милијарди кубни метри гас, е речиси целосно зависна од Русија. Само мали количества доаѓаат од Азарбејџан. Долгорочниот договор за снабдување со Гаспром истекува на крајот на оваа година. Според владата во Софија, бугарската компанија Булгаргас добила писмо во кое се најавува „прекинување“ на испораките на руски гас.

„Бугарската страна целосно ги исполни своите обврски и навреме ги изврши сите плаќања според актуелниот договор“, нагласи бугарското Министерство за економија. Бугарското Министерство за енергетика објави дека државните гасни компании Булгаргас и Булгартрансгас „презедоа чекори за постигнување алтернативни аранжмани за снабдување со природен гас и справување со моменталната ситуација“. „Во моментов нема потреба да се ограничи потрошувачката“, додава Министерството.

Последните информации од Булгартрансгас се дека гас од Русија до овој момент сѐ уште доаѓа, а за подоцна во текот на денот е најавен брифинг на кој ќе се соопштат нови информации за состојбата.

По воведувањето на западните санкции поради војната во Украина, Русија побара од земјите членки на ЕУ да ги плаќаат сметките за гас во рубљи. Западните држави го отфрлија барањето и инсистираа на почитување на договорите со Русија, кои предвидуваат плаќање за испорака на руски гас исклучиво во евра или долари. Потенцијалните енергетски санкции против Русија во моментов се предмет на жестоки дебати во ЕУ. На почетокот на август во ЕУ ќе стапи на сила ембаргото за јаглен против Русија. Некои земји-членки на ЕУ бараат ембаргото да се прошири и да ги вклучи руската нафта и гас.

Дали спасот е во Казахстан?

Прескокни го блокот Тема на денот

Тема на денот

Конечно шини на Коридорот 8?

Пругата наречена „желба“ ќе влезе во графата - изградба

Прескокни го блокот Повеќе теми

Повеќе теми

Врати се на почетната страница