Најмалку 17 повредени во руското бомбардирање на родилиште во Мариупол | Свет | DW | 09.03.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Најмалку 17 повредени во руското бомбардирање на родилиште во Мариупол

Руски воздушен напад погоди родилиште во опколениот град Мариупол во средата. Најмалку 17 луѓе се повредени. Од почетокот на руските напади врз градот убиени се над 1.200 цивили.

Серија бомби погодија родилиште во Мариупол во последниот од серијата руски напади врз цивилни објекти во Украина. Снимките од местото на нападот покажуваат полицајци и војници кои ги евакуираат жртвите, меѓу нив и бремени и раскрвавени жени. Пред болницата, руските бомби направија кратер длабок десетина метри.

„Денеска Русија направи големо злосторство“, изјави Володимир Никулин, локалниот полициски командант. „Ова е воено злосторство без никакво оправдување“.
Претседателот Володимир Зеленски на Твитер напиша дека во урнатините има жени и деца, и го нарече нападот злосторство. Британскиот премиер Борис Џонсон порача дека рускиот претседател Владимир Путин „ќе одговара за злосторството“. 

Ukraine zerstörte Geburtsklinik in Mariupol

Родилки се евакуираат од разурнатата болница во Мариупол

„Има малку нешта кои се помалоумни од напади врз ранливите и беспомошните“, рече Џонсон.

Локалните власти во Мариупол велат дека од почетокот на руската опсада врз градот биле убиени 1.207 цивили.

Погреби во масовни гробници 

Користејќи го прекинот на огнот кој беше прогласен утрото во средата, локалните власти во Мариупол ги погребуваа жртвите во масовна гробница. Градските служби ископаа 25 метри долга гробница во близина на градските гробишта и ставија голем крст над земјата која ги покри останките на луѓе завиткани во чаршави и торби. 

Тешко болни деца се лекуваат во болнички подруми во Киев
Стратешкиот пристаништен град на Азовското море, кој некогаш броеше 430 илјади жители, е под опсада на руските трупи веќе една недела, и се соочува со непрестано бомбардирање. Илјадници луѓе во градот се без струја, вода и храна повеќе од седум дена.

Над два милиони Украинци досега успеаја да побегнат од воената агресија во соседните земји, а во средата уште неколку десетина илјади беа евакуирани од Киев и други градови.

Се очекува кризата да се влоши со оглед на тактиката на Москва да врши опсада врз големите градови и да бомбардира цивилни цели.

Лекување во скривници во Киев

DW.COM

Поврзана содржина