Меркел призна грешки во менаџирањето на бегалската криза | Свет | DW | 31.08.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Меркел призна грешки во менаџирањето на бегалската криза

Германската канцеларка вели дека биле сторени грешки во проценката и менаџирањето на бегалската криза, но порачува: Германија ќе остане Германија

Канцеларката Ангела Меркел признава дека Германија реагирала предоцна и покрај бројните докази за надоаѓачката бегалска криза. Во интервју за весникот „Зидојче Цајтунг“ Меркел рече „И ние Германците, предолго го игнориравме овој проблем“.

„Во 2004 и 2005 веќе имаше многу бегалци кои пристигнуваа, но ние и оставивме на Шпанија и на другите земји на надворешните граници на ЕУ да се справуваат со нив“, рече Меркел.

„Откако презедовме голем број бегалци за време на војните во поранешна Југославија, Германија сакаше да им остави на другите да го менаџираат овој проблем“. Меркел признава дека Берлин погрешил кога во тие години ја одбил пропорционалната дистрибуција на бегалците и им оставил на другите земји сами да се справуваат со проблемот.

Infografik Wie verändert Merkels Flüchtlingspolitik Deutschland? Bunter Englisch

Анкета на ДВ: како влијаеше мигрантската политика на Меркел врз Германија?

Интервјуто беше објавено една година откако Меркел ја изговори познатата фраза „Ќе успееме“ во врска со бегалската криза.

Минатата година Германија прими 1,1 милиони бегалци. Поголемиот дел од нив пристигнаа по ветувањето на Меркел дека ќе им биде дадено засолниште на сите бегалци од војната во Сирија.

Гледај видео 03:00
Now live
03:00 минути

Една година подоцна: Ќе успее ли Меркел?

„Германија ќе остане Германија- со сите нешта кои ни се драги. Но Германија постојано се менува откако стана сојузна република. Промените не се ништо лошо. Тоа е неопходен дел од животот“, рече Меркел.

Аудио и видео прилози на оваа тема

Реклама