Лондон: Парламентот веќе не ја прашува Меј | Свет | DW | 26.03.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Лондон: Парламентот веќе не ја прашува Меј

Во обид да изнајде решение за ќорсокакот со Брегзит, британскиот парламент и нанесе уште еден тежок пораз на премиерката Тереза Меј. Пратениците сами ќе решаваат за опциите за Брегзит, вклучително и за нов референдум.

Со 329 гласови „за“ и 302 „против“, парламентот во Лондон си даде за право да гласа за алтернативни опции во врска со Брегзит во однос на она што го нуди премиерката Тереза Меј.
Тоа е уште еден пораз за Меј која се противеше на тоа парламентот да добие поголема улога во одлучувањето.
Парламентот сега планира да одржи ткн. необврзувачки гласања в среда (27.03) и со тоа да ја процени поддршката за различните опции поврзани со Брегзит. Се очекува гласањето да ги вклучува следните опции:

- отповикување на Брегзит;

- одржување на нов референдум;

- поддршка на планот на Меј за излез од ЕУ;

- поддршка на договор со кој Обединетото Кралство (ОК) ќе остане дел од заедничкиот пазар на ЕУ;

- поддршка за Брегзит без договор.

Владата ја искритикува одлуката на парламентот како „опасен и непредвидлив преседан за иднината“. Меј изјави дека нема да се чувствува обврзана од исходот на гласањето. Опозицискиот лидер Џереми Корбин им честиташе на пратениците и го критикуваше пристапот на владата кон Брегзит како „беден неуспех“.

Großbritannien London People's Vote Demonstration (AFP/N. Halle'n)

Викендов во Лондон се одржаа едни од најмасовните демонстрации против Брегзит

ЕУ подготвена за „развод“

Во меѓувреме, ЕУ ги финализираше подготовките за заминување на Британија без договор. Европската комисија на својата интернет-страница синоќа објави листа со мерки кои, меѓудругото, вклучуваат:

- почитување на обврските во однос на актуелните договори со Лондон за 2019 година;

- продолжување на програмата на границата со Ирска до 2020 година;

- обезбедување на основна патна и воздушна поврзаност меѓу ЕУ и ОК;

- привремени мерки за да се избегнат проблеми во финансиските услуги;

- безвизен режим за државјани на ОК доколку истото го добијат и жителите на ЕУ.

Во случај на Брегзит без договор, Обединетото Кралство веднаш ќе стане ткн. трета држава, а царините и царинските контроли на ЕУ веднаш ќе стапат во сила. Британските државјани повеќе нема да бидат граѓани на ЕУ и ќе подлежат на гранични контроли. Нема да има транзициски период, што значи дека може да се смета на проблеми и ограничувања за граѓаните и фирмите.

DW.COM

Реклама