Ковачевски: Земјата е безбедна | Северна Македонија | DW | 26.02.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Ковачевски: Земјата е безбедна

Македонскиот премиер Димитар Ковачевски тврди дека земјата е безбедна и целосно подготвена за економските предизвици.

Македонскиот премиер Димитар Ковачевски ја осуди воената агресија на Русија врз Украина.

„Воената агресија на Русија против Украина, која веќе однесе многу човечки животи, е чин кој силно го осудуваме. Тоа е кршење на меѓународното право и е закана за евроатланската безбедност. Уште еднаш сакам да посочам дека заедно со сојузниците бараме итен прекин на воените дејствија. 21-от век треба да е век на дијалог, не на војни“, вели Ковачевски во обраќање до јавноста преку владините канали на Јутјуб и Фејсбук.

Ковачевски во обраќањето зборува за стабилноста и безбедноста на државата, економските импликации од продлабочувањето на кризата околу Украина, како и на активностите и мерките кои Владата ги презема со цел да ги ублажи и амортизира негативните последици од кризата.

„Во овие турбулентни времиња, сакам да ве уверам дека безбедносната состојба во земјата е стабилна и дека во овој момент не постои никаква директна закана за безбедноста на Северна Македонија. Владата внимателно ќе ја следи состојбата во Украина и редовно и ќе ги информира граѓаните. Воедно, граѓаните треба да се спокојни, бидејќи како членка на НАТО, ние ја уживаме, и можеме да сметаме на заштитата која ја нуди најмоќниот одбранбен сојуз во светот. Иако нашата желба е да се избегнат ситуации како оваа, сепак, во вакви услови на голема безбедносна дестабилизација, сфаќаме колку е значајно, да сме дел од најмоќниот воено-политички сојуз. Затоа, ве уверувам, нашата земја е безбедна!“

Македонскиот премиер оценува дека „поголемите предизвици кои стојат пред нас, се економски“:

„Поради воените дејствија на Русија против Украина, глобалната енергетска и економска криза сега се продлабочува. Нѐ очекува неизвесна година, каде економијата во Европа и светот ќе претрпи штети... Глобалните пазари се најпогодени од руско-украинската војна, а нашата изложеност кон овие две економии е мала. Нема присуство во финансискиот сектор, а странските инвестиции се под 1% од вкупните вредности. Очекуваното глобално влијание врз покачување на цените на основните прехранбени производи и енергенсите, што би значело продлабочување на постоечката енергетска криза, е нешто за кое ние како Влада сме апсолутно подготвени и ќе одговориме соодветно.“

Ковачевски уверува дека Владата е фокусирана на следење на состојбата со струјата, гасот, енергетиката и економијата, како во земјата, така и регионот и дека работи на мерки за да се намали притисокот врз граѓаните и стопанството: „Во оваа прилика сакам да порачам: Сите институции во државата, од Владата па надолу, максимално одговорно да ги трошат средствата и максимално ефикасно да работат со цел амортизирање на негативни последици од кризата. Сега е време за одговорност без отстапка.“

 

Поврзана содржина