Започнаа парламентарните и локалните избори на Косово

Точно во седум часот утринава и официјално започнаа изборите на Косово во кои се бираат идните парламентарни и локалните власти. Право на глас имаат 1,5 милиони луѓе. На изборите се пријавени 25 партии, од кои 14 се на претставници на малцинствата. Според анкетите главната битка ќе ја водат опозиционата ДПК на Хашим Тачи и владејачкиот Демократски сојуз на Косово. Парламентарниот одбор за Коасово и Метохија во Белград, ги повика Србите во покраината да го бојкотираат изборниот процес. Овие петти избори во покраината, се во сенка на преговарачкиот процес меѓу Белград и Приштина за статусот на Коосово кој продолжува на 20 ноември.