Германија очекува Софија по изборите да даде зелено светло за Скопје и Тирана | Северна Македонија | DW | 22.11.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Германија очекува Софија по изборите да даде зелено светло за Скопје и Тирана

Пред утрешниот состанок на Советот за општи работи на ЕУ во Брисел, државниот министер во германското МНР Михаел Рот и порача на Софија дека е време за исполнување на обврските.

EU-Ministertreffen in Luxemburg

Михаел Рот на состанок на Советот за општи работи на ЕУ, октомври 2020

Проширувањето на ЕУ е прашање на кредибилитетот на ЕУ, и важно е во тој дел и Бугарија да си ги исполни своите обврски, порачува државниот министер за Европа во германското министерство за надворешни работи Михаел Рот.

Во вторник во Брисел се одржува Советот за општи работи на ЕУ на кој приоритетни се три теми: владеењето на правото во ЕУ, проширувањето, и односите со Велика Британија по Брегзит. 

„Кај темата проширувањето на ЕУ се работи за ништо помалку од веродостојноста на ЕУ на Западниот Балкан. Во светло на одржаните избори во Бугарија, сега е многу важно бугарското раководство да си ја исполни европската обврска и да го отвори патот за првата меѓувладина конференција со Северна Македонија и Албанија“, порачува Рот пред состанокот. 

Во Бугарија викендов беше заокружен изборниот процес со реизборот на Румен Радев за претседател на државата со нов мандат. 

Претходно, на третите парламентарни избори во земјата одржани годинава, победи движењето Продолжуваме со промената кое го предводат Кирил Петков и Асен Василев. 

Новата влада во Софија се уште не е формирана, но надежите во Скопје се дека тоа ќе се случи во наредните недели со што би се отворил патот за давање зелено светло за почеток на пристапните преговори со ЕУ на самитот закажан за 14 декември годинава.

DW.COM