Божиќни пакети за децата без родители од Македонија | Свет | DW | 16.12.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Божиќни пакети за децата без родители од Македонија

Покраините Мекленбург Преднапомеранија, Шлезвиг Холштајн и Хамбург испратија 1918 пакети наменети за децата без родители од Македонија. Зад донацијата стојат организациите „Децата им помагаат на децата” и „АДРА“.

default

Божиќ е пред се’ празник за децата. Затоа и традиционално многу организации кои го имаат детето во средиштето на своите активности, организираат божиќни изненадувања за најмалите од сиромашните земјите од Европа и светот. Годинава за првпат 1918 пакети организирано ќе стасаат и до децата без родители од Македонија.

Ања Емерих од организацијата за помош „АДРА“ ги кажува крајните македонски адресанти: „Во Скопје тоа е домот ’Детско Срце’, во Македонски Брод домот кој се вика ’Среќа’. Во Крушево пакетите ќе стасаат во институцијата за хендикепирани деца. Крајни дестинации се и домовите од Велес и Битола, како и 120 семејства ширум Македонија во кои се згрижени деца без родители.”

Акцијата во Германија практично стартуваше во септември, со почетокот на учебната година, а заврши на почетокот на декември кога од десетиците и десетици собирни места, пакетите со камиони тргнаа на пат.

Порака со добри желби

За Македонија годинава пакетите ги подготвија учениците од покраините Хамбург, Шлезвиг Холштајн и Мекленбург Преднапомеранија, вели Едит-Естер Крук, одговорна за акцијата во Либек каде беа собрани околу 500, од вкупно 1918 пакети за Македонија.

Kinder unterm Tannenbaum

Подароците од Германија под елката годинава ќе добијат и децата без родители од Македонија

Таа ја водеше акцијата преку училиштата, градинките и вели дека замислата била родителите да се информираат и да се замолат доколку сакаат да донираат. Требаше да наполнат еден стандарден пакет, малку поголем од кутија за чевли. Содржината беше: употребени играчки кои веќе не се користат, но се цели и чисти, потоа употребени, но чисти ракавици, шал, капа. Она што е ново и што требаше да се купи беа тетратки, моливи, блок, боички за цртање, или средства за хигиена: четка за заби, паста, сапун. Можеше да се спакува и топол пуловер, но тогаш постоеше опасноста пакетот да се преполни само со него и затоа мораше и на тоа да се внимава.

Акцијата била популаризирана и преку локалниот печат каде имало редовни информации за бројот на пристигнатите пакети со што било разбудено и интересирањето на обичните граѓани за вклучување во проектот. Со тоа, секој пакет ги потврди солидарноста, добрите желби и учењето да се подели со другите. Ања Емрих подвлекува дека пораката е да се каже дека децата не се оставени сами на себе и дека некаде, во некоја друга далечна земја, има некој кој мисли на нив.

Автор: Силвера Падори-Кленке

Редактор: Александра Трајковска

Реклама