Фотографија на денот: Капитол пред инаугурацијата

Две недели по упадот и безредијата во Капитол, голема е загриженоста од ново насилство. Тоа и пандемијата на корона се причина оваа инаугурација да тече сосема поинаку од вообичаено. Таа ќе се одвива под драконски мерки за безбедност и нема да има големи групи гледачи. Освен тоа, на церемонијата нема да присуствува ниту претседателот на заминување Доналд Трамп. Тој неколку часови пред почетокот на церемонијата со претседателскиот авион заминува на својот имот во Флорида.