Се уште нема решение за кризата во Украина

Во борбата за превласт во Украина меѓу претседателот и премиерот нема знаци на приближување на ставовите. Прозападно ориентираниот претседател Виктор Јушченко стои на одлуката за предвремени парламентарни избори. Ова е одговор на обидот на премиерот Виктор Јанукович да му ја преземе власта. Јушченко го одби барањето на неговиот противник, заедно со парламентарните да се одржат и предвремени претседателски избори. Тој го одби и предлогот за меѓународно посредништво во решавањето на внатрешната криза во земјата.