1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Masu adawa da Bolsonaro sun yi zanga-zanga

Abdoulaye Mamane Amadou
October 3, 2021

Dubban magoya bayan 'yan adawa a Brazil sun gudanar da zanga-zanga a cigaba da nuna adawa da salon mulkin shugaba Jair Bolsonaro har da matsin lamba da ya yi marabus daga madafan iko.

https://p.dw.com/p/41Bf7
Brasilien Protest gegen Bolsonaro in Rio de Janeiro
Hoto: Ricardo Moraes/REUTERS

Rahotanni sun ce zanga-zangar ta fi kamari ne a biranen Rio de Janeiro da Sao Paulo da Brasilia, inda taken "Bolsonaro ya sauka" suka mamaye alluan da ke dauke ga masu boren da ke samun goyon bayan wasu jam'iyyun siyasa.

Ko baya ga batun tsadar rayuwa da ke wani sabon batu da ya kutso a bakunan masu boren, rashin tafiyar da tsari na gari wajen yaki da Corona na zaman babban gimshikin da masu adawa da Bolsonaro ke amfani da shi wajen kalubalantar sa.

A kasa ga shekara daya a gabanin babban zabe a Brazil, wani binciken jan ra'ayin jama'a a watan jiya ya yi nuni da cewa tagomashin Shugaba Bolsonaro na kasa sosai kusa da abokin hamayyarsa Luiz Inacio Lula da Silva na jam'iyyar PT.