1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Trump na adawa da dokar zama dan kasa ta haihuwa

Abdul-raheem Hassan MNA
October 31, 2018

Shugaba Donald Trump ya ce Amirka ba za ta lamunci ba wa jarirai damar zama 'yan kasa kai tsaye ba, bayan an shigo da su kasar da ciki da niyyar a haifesu don zama Amirkawa.

https://p.dw.com/p/37Pt4
USA Präsident Donald Trump
Hoto: Getty Images/A. Wong

A wani mataki na jaddada manufar yaki da shigowar 'yan ci rani Amirka, Shugaba Donald Trump ya ce doka ta ba shi damar soke duk wasu damarmaki da jarirai ke samu bayan an shigo da su da ciki zuwa Amirka, ciki har da mallakar takardar izinin zama dan kasa na shekaru 85.

Shugaba Trump ya ce Amirka ce kadai ke amfani da wannan tsarin a yanzu, yayin da a kasashe da dama dokar ta zama tsohon yayi.

Trump na ci gaba da tsaurara matakan dakile kwararar bakin haure a matsayin jigon yakin neman zabe, inda ya ce matakan ba su da barazana ga zaben tsakiyar zango da za a shiga nan ba da jimawa ba.