1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Sudan ta Kudu ta tura da dakaru zuwa Kwango

Fauziyya Dauda
April 2, 2023

A wannan Lahadin ce, dakarun sojin Sudan ta Kudu suka isa gabashin Jamhuriyar Dimokradiyar Kwango domin taimakawa dakarun kasar da ke fada da 'yan tawayen M23.

https://p.dw.com/p/4PbxV
Dakarun Sudan ta Kudu a lokacin da suka isa birnin Goma na kasar Kwango
Hoto: Glody Murhabazi/AFP

Kimanin dakarun 45 da suka isa birnin Goma, na daga cikin rundunar hadin gwiwa ta kungiyar kasashen gabashin Afirka da aka kafa a watan Junin bara da nufin wanzar da zaman lafiya a gabashin Kwangon. Ana sa rai nan gaba Sudan ta Kudu ta sake turawa da karin dakarunta kamar yadda ta yi alkawarin aikawa Kwango da sojoji 750 a watan Disambar 2022.

A baya-bayan dai Jamhuriyar Dimokradiyar Kwago na tafka kazamin fada da 'yan kungiyar M23 inda take zargin makwafciyarta Ruwanda da tallafawa 'yan tawayen, zargin da gwamnatin Kigali ta musanta.