An kamo hanyar warware taddamar nukiliya

An tsayar da ranar Alhamis mai zuwa a matsayin ranar da Amirka da Iran za su koma kan teburin tattauna yarjejeniyar shirin Nukiliyar ta Iran. Tuni gwamnatin Tehran ta bakin jagoran addinin kasar Ayatollah Ali Khamenei, ta yi kashedi kan duk wani sanda, da ta ce ka iya shafar shirin yin maslahan.

Zaman da za a yi a birnin na Vienna, shi ne zama na farko a tsakanin kasashen biyu, tun bayan da tsohuwar gwamnatin Donald Trump ta fice daga cikin yarjejeniyar da Iran ta cimma da kasashen duniya biyar a shekarar 2015. Ana fargabar shirin nukiliyar Iran na da hadarin gaske amma gwamnatin Tehran ta musanta wannan zargi.