Rikicin siyasar Masar na daukan sabon salo | Labarai | DW | 11.08.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rikicin siyasar Masar na daukan sabon salo

Gwamnatin Masar na shirin daukar matakin tarwatsa masu zanga-zangar goyan bayan hambararren shugaban kasa Mohamad Mursi

Akwai yiwuwar gwamnatin wucin gadin kasar Masar da ke samun goyon bayan rundunar soja, za ta fara aikin kawar da magoya bayan hambararren Shugaba Mohamed Mursi, wadanda suke zaman durshen tun lokacin da sojoji suka yi juyin mulki.

Wasu majiyoyin tsaro da kuma na gwamnati sun ce, mai yiwuwa da sanfin safiyar wannan Litinin jami'an tsaro za su yi dirar mikiya kan magoya bayan hambararen shugaban.

Kuma ana daukan matakan kaucewa zubar da jini, yayin fito-na-fita da ake saran zai wakana.

Masu zanga-zanga suna neman ganin an dawo da Shugaba Mursi kan madafun ikon kasar ta Masar, saboda juyin mulkin da sojoji suka yi wa zababben shugaban ya saba ka'ida.

Mawallafi: Suleiman Babayo
Edita: Yahouza Sadissou Madobi