Ousmane Dembele ya lashe kyautar FIFA mafi girma
December 17, 2025
Dan wasan Faransa na kungiyar Paris Saint-Germain Ousmane Dembele ya lashe kyautar FIFA mafi girma ta nuna bajinta a rukunin maza a kasar Qatar.
Tsohon dan wasan gaba na Borussia Dortmund da Barcelona, Dembele, wanda ke cikin tawagar Faransa da ta lashe Kofin Duniya a 2018, ya zura kwallaye 35 a dukkanin gasanni, tare da taimaka wa PSG lashe gasar kalubale da lig na Faransa da kuma kofin zakarun Turai.
A watan Satumbar wannan shekata ta 2025, Dembele ya lashe kyautar Ballon d'Or sakamakon bajintar da ya nuna a gasar zakarun nahiyar Turai ta Champions League.
Kazalika, Aitana Bonmati ta kungiyar kwallon kafa ta Barcelona ta lashe kyautar. Sannan kocin PSG 'dan kasar Sipaniya Luis Enrique ya samu kyautar mai horaswa da ya fi kowanne a cikin tawagar maza, a gaban Hansi Flick na Barcelona da kuma kocin Liverpool da ya lashe gasar Premier Arne Slot.