Ongwen zai yi zaman kaso na shekaru 25 | Labarai | DW | 06.05.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ongwen zai yi zaman kaso na shekaru 25

Kotun hukunta manyan laifukan yaki ta ICC ta yanke hukuncin shekaru 25 kan wani kwamanda na kungiyar 'yan tawayen nan ta LRA saboda samunsa da aikata laifukan yaki.

A cikin watan Fabrairun da ya gabata ne dai kotun ta sami Dominic Ongwen dan shekaru 45 da haihuwa, da laifukan yakin da yawansu kai 61 ciki har da kisan kai da laifukan da ke da nasaba cin zarafi ta hanyar lalata a lokacin da Joseph Kony ke jagorantar kungiyar ta LRA.

Gabannin yanke hukuncin, masu gabatar da kara sun bukaci da yanke wa Ongwen da aka fi sani da suna ''White Ant'' shekaru 20, sai dai kotun da ke zamanta a birnin Hague na kasar Netherlands ta zabi kara shekaru 5 kan abin da masu gabatar da kara suka nema.