Nkurunziza ya ajiye takararsa a hukumance | Labarai | DW | 08.05.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Nkurunziza ya ajiye takararsa a hukumance

Duk da adawa da shirin shugaban na yin tazarce ya ajiye takararsa tare da shan alwashin murkushe duk wata zanga-zangar adawa da manufarsa

A kasar Burundi shugaban kasar Piere Nkurunziza ya mika a hukumance takardar neman sake tsayawa takara a karo na ukku a yau wannan duk da boren kwanaki 13 da alummar kasar ke yi na nuna adawa da wannan manufa tasa.

Rahotanni dai sun bayyana cewa da yake jawabi a lokacin da ya iso a cibiyar hukumar zabe mai zaman kanta ta kasar domin gabatar da takarar tasa shugaba Nkurunziza ya sha alwashin murkushe duk wata zanga-zanga da ya ce a halin yanzu ta rikide zuwa bore. Sannan ya kuma sha alwashin wanann zabe zai gudana a cikin konciyar hankali da lumana.

A kalla dai mutane 13 ne suka mutu a yayinda sama da dubu 50 su ka yi gudun hijira a tsawon kwanaki 13 na zanga-zangar nuna kyama ga shirin tazarcen shugaban Nkurunziza.