Nan gaba za a fara zaben shugaban Amirka

Akalla 'yan kasar miliyan 100 sun riga sun kada kuri'unsu gabannin ranar ta yau, sai dai batun lokacin sanar da sakamakon zaben ya fara haddasa kumfar baki tsakanin 'yan takarar biyu, yayin da batun ke haifar da shakku ga makomar zaben ga wasu 'yan kasar.

Batun haraji da 'yan gudun hijira da manufofin kasar Amirka a kasashen waje, su ne manyan abinda masu zabe suka fi maida hankali tsakanin 'yan takara biyu da ke zawarcin shiga fadar gwamnatin Amirka ta White House.