Mata 98 sun zama alkalai a Masar | Labarai | DW | 19.10.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Mata 98 sun zama alkalai a Masar

Babban alkali a kasar Masar, ya rantsar da mata 98 a matsayin lauyoyin gwamnati a karon farko bayan da matan suka sha yin zargin nuna musu wariya.

An rantsar da matan su kusan 100 a birnin Alkahira watanni kadan bayan da Shugaban kasar Abdel Fattah el-Sissi ya kirayi mata su shiga rukunin lauyoyin kare gwamnati.

A shekarar 1946, aka kafa hukumar shari'a mai zaman kanta da ke kula da rigingimun tare da yin bitar daftarin dokoki da yanke shawara da kwangilolin da suka shafi gwamnati.