Karin sojojin Faransa a Jamhuriyar Afirka ta Tsakiya | Labarai | DW | 25.03.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Karin sojojin Faransa a Jamhuriyar Afirka ta Tsakiya

Faransa ta kara yawan sojojinta da ke Jamhuriyar Afirka ta Tsakiya biyo bayan gwagwarmayar kwace madafun iko da aka yi a wannan kasa

Gwamnatin Faransa ta ba da sanarwar cewa tun a ranar Asabar (23.03.13) ne ta tura karin sojoji 350 zuwa Jamhuriyar Afirka ta Tsakiya domin kare filayen saukar jiragen saman da kuma 'yan kasarta 1250 da ke zaune a can. Kenan ga baki daya sojojin Faransa kusan 600 ne ke a wannan kasa. A wannan Lahadi (24.03.13) 'yan tawayen kasar suka kwace iko da Bangui babban birnin kasar - dalilin da ya sa shugaba Francois Bozize ya arce. Su dai 'yan tawayen suna zargin Bozize ne da rashin mutunta yarjejeniyar tsagaita wuta da aka rattaba hannun akai a watan Janairu, Shugaban Faransa ,Francois Hollande ya yi kira ga 'yan tawayen da su shiga tattaunawa tare da gwamnati.

Mawallafiya: Halima Balaraba Abbas
Edita: Saleh Umar Saleh