Shugabannin duniya da dama sun halarci jana'izar Peres

Shugabannin duniya da dama sun halarci jana'izar tsohon shugaban Isra'ila Shimon Peres da aka gudanar a wannan Jumma'ar, inda suka yabi irin rawar da ya taka a rayuwarsa. Firayim Ministan Isra'ila Benjamin Netanyahu ya bayyana Peres a matsayin daya daga cikin gwarzayen al'umma. Idan za'a iya tunawa dai, marigayi Shimon Peres ya yi ta gaggwarmaya don ganin cewar an samar da zaman lafiya tsakanin Ira'ila da Falesdinawa.

Marigayin ya rasu ne a ranar Laraba yana da shekara 93 a duniya.Daga cikin wadanda suka halarci jana'izarsa har da shugaban Jamus Joachim Gauck, da shugaban Amirka Barack Obma da Yerima Charles mai jira gado a masara'autar Birtaniya. Daidai da shugabannin Falesdinawa Mahmud Abbas ma ya halarci jani'ar, duk da cewa tattaunar wanzar da zaman kafiya tsakanin Isra'ila da Falesdinawa ta tsaya cik tun shekaru biyun da suka gabata.