1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Hukuncin daurin rai da rai ga masu yunkurin juyin mulki

Abdoulaye Mamane Amadou
June 26, 2020

Wata kotu a Turkiyya ta yanke hukuncin daurin rai da rai ga mutane 121 da kotun ta zarga da hannu dumu-dumu wajen yunkurin juyin mulkin da bai yi nasara ba a shekarar 2016.

https://p.dw.com/p/3eOuB
Türkei Putschversuch
Hoto: picture-alliance/abaca/E. Öztürk

Akalla mutane 245 ne kotun kasar ta tuhuma da yunkurin kifar da gwamnati, ciki har da wani babban kwamandan jami'an tsaron kasar, wadanda kuma za su shafe tsawon shekarun rayuwarsu a gidan yari, maimakon zartar da hukuncin kisa kansu biyo bayan soke dokar hukuncin a shekarar 2004.

Rahotanni sun yi nuni da cewa kimanin mutun 250 ne suka sulwanta a yayin yunkurin juyin mulkin na ranar 15 ga watan Yulin 2016, yankurin da gwamnatin Shugaba Recep Tayyip Erdogan ta zargi malamin nan Fethullah Gülen da yanzu hakan ke samun mafaka a Amirka da kitsawa.