Rashin lafiyar Ali Bongo ta janyo matanin 'yan siyasa

'Yan adawar suna neman da a gudanar da binciken ne domin tantance ko shugaban na Gabon yana iya ci gaba da yin mulkin. Watannin goma tun bayan da shugaban na Gabon ya samu mutuwar rabin jiki, bai taba yin wani jawabi ko wata sanarwa ba. Ali Bongo wanda ke kan mulki tun mutuwar mahaifinsa Omar Bongo a shekara ta 2009 ya fadi da rashin lafiya a lokacin da yake yin wata ziyara a Saudiya a shekara ta 2018.