Duniya na kasaw a yaki da Ebola | Labarai | DW | 15.10.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Duniya na kasaw a yaki da Ebola

Kwararru sun bayyana cewa Akwai babban kalubale bisa yaki da annobar cutar Ebola da yanzu haka ta hallaka mutane kusan 4000

Duniya na kara nuna kasawa a yaki da cutar Ebola, a cewar wakilin MDD kan cutar Ebola Anthony Banbury. Banbury yace cutar ta riga ta yiwa masu yaki da ita fintinkau, don haka shawo kanta zai dau lokaci. Inda babban jami'in ya ce mai yiwuwa kan nan da karshen shekara a gano karin wasu mutane dayawa dauke da cutar. Banbury da yake magana a zauren MDD kan cutar Ebola, ya kara da cewa yadda cutar ta tserewa masu yaki da ita, ya zama wajibi ko dai a dau matakan gaggawa yanzu, ko kuma duniya ta dandani kuda bisa radadi da kuma illar da cutar za ta haddasa nan gaba.