Duniya na bukatar sabbin matakan yaki da sauyin yanayi | Labarai | DW | 23.09.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Duniya na bukatar sabbin matakan yaki da sauyin yanayi

Masu fafutukar kare muhalli na kallon wannan taro a matsayin wani dandali mai muhimmanci da zai tattaro masu adawa da gurbatar ta muhalli a duniya.

A yau Talata ne aka bude babban taron shugabanni na duniya kan sauyin yanayi da Majalisar Dinkin Duniya ta tsara, inda aka bukaci aiwatar da tsare-tsare da aka samar kan matakan yaki da ci gaban dumamar yanayi.

Babban Sakataren Majalisar Dinkin Duniya Ban Ki-moon, shi ya karbi bakuncin shugabannin daga kasashe 120, da ke zama wani babban taro tun bayan taron Copenhagen a shekarar 2009 shi ma kan sauyin yanayin da ya gaza cimma wani abun azo a gani cike da rudani.

Jami'an diflomasiya da masu fafutukar kare muhalli na kallon wannan taro a matsayin wani dandali mai muhimmanci da zai tattaro masu adawa da gurbatar ta muhalli kafin taron da za a yi a birnin Paris a karshen shekarar 2015 wanda zai kai ga kulla wata yarjejeniya da za ta kawo hanyoyin da za a bi wajen rage sinadaran iskar gas da ke gurbata muhalli da aka fi sani da greenhouse gases bayan shekarar 2020.

Mawallafi: Yusuf Bala
Edita: Umaru Aliyu