1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Chadi ta ayyana zaman makoki na kwanki uku

Binta Aliyu Zurmi
May 7, 2026

Gwamnatin Chadi ta ayyana zaman makoki na kwanaki uku bayan kashe wasu manyan janar din soji biyu da wasu dakaru sama da 20 a gabar tafkin Chadi a wani sabon hari da mayakan Boko Haram suka kai a sansanin soji.

https://p.dw.com/p/5DOfX
Tschad - Anschlagsversuch
Hoto: Denis Sassou Gueipeur/AFP/Getty Images

Jiragen kwale-kwale na tsaro da jami’ai da ke aikin sintiri a yankin, harin mayakan Boko Haram ya rutsa da su, a cewar wani jami'in soji da ya shaidawa kamfanin dillancin labaran Faransa na AFP, inda ya kara da cewa an kashe janar-janar guda biyu.

A cikin wata sanarwa da gwamnatin Chadi ta fitar, ta ayyana zaman makoki na kasa har zuwa ranar Asabar 9 ga watan Mayu domin girmama sojojin da wannan hari ya yi ajalinsu.

Shugaban kasar Janar Mahamat Idris Deby Itino ya sha alwashin ganin bayan 'yan ta'adda da suka addabi kasar.

Karin bayani: kasar Chadi ta shiga rudani bayan harin Boko Haram