Brazil: Shugaba Temer na cikin tsaka mai wuya | Labarai | DW | 17.10.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Brazil: Shugaba Temer na cikin tsaka mai wuya

Rundinar 'yan sandan kasar Brazil, ta nemi da mai shigar da kara na kasar da ya gurfanar da shugaban kasar Michel Temer, tare da wasu mutane 10 ciki kuwa har da 'yar shugaban kasar

Brasilien - Temers Reaktion auf den Senat (Reuters/A. Machado)

Shugaban kasar Brazil Michel Temer

Ana zargin shugaban kasar ta Brazil Temer tare da wadannan mutane 10 da laifin karbar cin hanci da rashawa, da halasta kudadan haramu. Rundinar 'yan sandan ta Brazil dai ta kaddamar da wani bincike ne sama da shekara guda, domin tantance ko shugaban Temer da ke kan karagar mulkin kasar tun daga shekara ta 2016 na da hannu cikin wata badakala ta cin hanci, inda ake zarginsa da karbar toshiyar baki kafin ya amince da wani kudiri a shekara ta 2017, wanda zai taimaka wa ayyukan wasu  kamfanoni na tashoshin ruwa a kasar.

A halin yanzu dai kallo ya koma ga ma'aikatar shari'ar, ko za ta shigar da kara na shugaban kasar, ko za ta nemi a aiwatar da bincike kwakwaf, ko kuma ta yi watsi da batun. Ga kundin tsarin mulkin kasar ta Brazil dai, sai majalisar dokokin ta amince ne kotun kolin kasar za ta iya aiwatar da na ta bincike tare da gurfanar da shugaban kasar.