1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Siyasar Birtaniya na sake darewa

Yusuf Bala Nayaya
February 20, 2019

Wasu 'yan majalisa uku da ke adawa da shirin fita daga Birtaniya a jam'iyyar Firaminista Theresa May sun bi sahun 'yan jam'iyyar Labour da suka ware kansu don kafa wata kungiya ta 'yan siyasa masu zaman kansu.

https://p.dw.com/p/3DkkM
Heidi Allen, Anna Soubry und Sarah Wollaston, die aus der Konservativen Partei ausgetreten sind und der Independent Group beigetreten sind.
Hoto: picture-alliance

Heidi Allen da Anna Soubry da Sarah Wollaston a wata wasikar hadin gwiwa da suka tura wa May sun ce gwamnatin May yadda take tafiyar da shirin fita daga Tarayyar Turai "cike yake da hadari" kuma jam'iyyar ta 'yan Conservative na hali na matsi saboda matakai masu tsauri na masu son fita daga Kungiyar EU.

A cewar 'yan majalisar dai tun bayan da aka cimma kuri'ar raba gardama kan fita daga EU a shekarar 2016, babu wani tartibin tsari na dinke baraka tsakanin 'yan jam'iyyar, ballantana samun hadin kai a mataki na kasa wajen aiwatar da shirin na Brexit.