Taliban na cigaba da alaka da al-Ka'ida.

A wani rahoto da ta fitar na baya-bayan nan, Majalisar Dinkin Duniya ta zargi kungiyar Taliban da karfafa dangantaka da ke tsakaninta da kungiyar Al-Qaeda, duk da yarjejeniyar da suka shiga da Amirka cewa Taliban din za ta katse duk wata alaka da ke tsakaninta da dukkanin kungiyoyin 'yan ta'adda.

Taliban din dai ta fito karara ta karyata zargin, kuma ta baiyana rahoton a matsayin marar tushe balle makama.

Rahoton ya nuna cewa ko ya yinda ake tsaka da yarjejeniya tsakanin Taliban da Amirkan, Taliban din ta cigaba da tuntubar kungiyar al-Qaeda tare da jaddada alakar da ke tsakaninsu.