Za a ci gaba da rufe shafukan intanet din Donald Trump

Shugaban kamfanin Facebook, Mark Zuckerberg ne ya bayyana haka, yana mai cewar kamfanin ba zai taba barin Shugaba Donald Trump yaci gaba da amfani da shafukansa ba a cikin wannan yanayi mai cike da hatsari da Amirka ta fada, saboda hakan za a ci gaba da toshe kafofin nasa har zuwa wani lokaci.

Tun daga farko dai kamfanin na Facebook ya janye faifan bidiyon da shuga Donald Trump ya wallafa a jiya yana mai kiran magoya bayan sa da su halarci zauren majalisar dokokin kasar, kana daga bisani kamfanin ya toshe kafar tasa har na tsawon sa'o'i 24.