An kama wanda su ka kai harin bam a Isra′ila | Labarai | DW | 23.11.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An kama wanda su ka kai harin bam a Isra'ila

Hukumomi a Isra'ila sun bada sanarwar damƙe wasu mutane da ake zargi da hannu wajen harin bam ɗin da aka kaiwa wata motar safa a birnin Tel Aviv a ranar Larabar da ta gabata.

Israeli police survey the scene after an explosion on a bus in Tel Aviv November 21, 2012. An explosion hit a bus in the heart of Tel Aviv on Wednesday, wounding at least 10 people in what officials said was a terrorist attack. REUTERS/Nir Elias (ISRAEL - Tags: CIVIL UNREST TPX IMAGES OF THE DAY)

Israel Palästinenser Anschag auf Bus in Tel Aviv

Daga cikin wanda aka kama ɗin kamar yadda kakakin rundunar 'yan sandan ƙasar Micky Rosenfeld ya shaidawa manema labari, akwai balarabe ɗaya wanda ɗan asalin ƙasar ta Isra'ila ce da kuma wasu falasɗinawa da kakakin ya ce su na da alaƙa da Hamas da kuma 'yan ƙungiyar nan ta Islamic Jihad to sai dai kawo yanzu hukumomin ƙasar ta bani yahudu ba su fayyace sunayen wanda aka kaman ba to sai dai sun ce su na nan su na faɗaɗa bincike ko ya Allah za a samu ƙarin wanda ke da hannu cikin harin.

A halin da ake ciki dai, Isra'ila da kuma Hamas wanda su ka share kwanaki takwas su na ɗauki ba daɗi sun share kwana na farko ba tare da wani tashin hankali ba, biyo bayan yarjejeniyar tsagaita wutar da shugaban Masar Muhammad Mursi ya jagoranta wanda kuma ɓangarorin biyu su ka amince da ita.

Mawallafi : Ahmed Salisu
Edita : Umaru Aliyu