An bukaci EU ta tallafawa Kurdawan Iraki | Labarai | DW | 11.08.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An bukaci EU ta tallafawa Kurdawan Iraki

Faransa ta bayyana cewa kamata ya yi kasashen Kungiyar Tarayyar Turai na EU su amsa kiran Kurdawan Iraki na ba su kayan yaki.

Ministan harkokin wajen Faransa Laurent Fabius ya fadi a ranar Litinin dinnan cewa kamata ya yi kasashen Kungiyar Tarayyar Turai na EU su amsa kiran Kurdawa 'yan Iraki na a tallafa wa mayakan su da kayan yaki dan tunkarar mayakan IS.

A cikin wata wasika da ya aike wa kantomar kula da harkokin wajen kungiyar ta EU Catherine Ashton, Fabius yace abune mai mahimmanci daga yanzu kasashen na turai su tashi dan bada wannan tallafi.

Mawallafi: Yusuf Bala
Edita: Suleiman Babayo