Sabin ministocin Masar sun kama aiki

Majalisar ta kunshi sabbin ministoci da kuma wanda ya yi aiki da su a gwamnatin baya. Sabbin ministocin sun hada da wanda zai yi aiki a ma'aikatar kudin kasar da ta sufurin jiragen sama da kuma lafiya da muhalli. Yayin jawabinsa ga al'ummar kasar bayan da ministocin suka sha rantsuwar kama aiki, al-Sissi ya ce sabuwar gwamnatin za ta yi aiki wajen yin gyare-gyare na tattalin arziki inda za su fara da janye tallafi kan albarkatun man fetur wanda da dama ke ganin zai kara ta'azzara tsadar farashin kayayyaki a kasar.