1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Ujerumani na China - Ushirikiano wa Kiuchumi

Ujerumani imefaidika sana kutokana na sekta ya viwanda iliyoimarishwa nchini China. Mataifa hayo mawili yamenufaika kutokana na mzozo wa kiuchumi.

Bundeswirtschaftsminister Rainer Bruederle (FDP, l.) und der stellvertretende Premierminister der Volksrepublik China, Li Keqiang, geben sich am Donnerstag (06.01.11) in Berlin die Hand. Li Keqiang trifft waehrend seines Staatsbesuchs noch mit der Bundeskanzlerin und dem Bundespraesidenten zusammen. Foto: Michael Gottschalk/dapd

Li Keqiang, Naibu waziri mkuu wa China (kulia) na waziri wa uchumi wa Ujerumani Rainer Bruederle.

Sasa pande hizo mbili zinatazamia kushirikiana zaidi huku China ikipanga kufanya mageuzi muhimu katika masoko yake ya ndani. Ukuaji wa kiuchumi nchini China unatazamiwa kupunguka kidogo lakini uchumi huo, utaendelea kuimarika.

Naibu waziri mkuu wa China, Li Keqiang anaeendelea na ziara yake barani Ulaya, amesema serikali yake mjini Beijing itatoa umuhimu kuendeleza mageuzi na kuruhusu bidhaa na huduma kutoka nchi mbali mbali duniani. Vile vile kutakuwepo uwazi na mazingira ya kuwavutia wawekezaji wa kigeni.Matamshi hayo ni kama muziki katika masikio ya mameneja wa makampuni ya Kijerumani ambayo tayari yamenufaika kutokana na uchumi ulioimarika China.

Kufuatia mzozo wa uchumi na fedha duniani,hatua zilizochukuliwa na China,zimesaidia ukuaji wa uchumi wake kwa kama asilimia 10.Baadhi ya viwanda muhimu nchini Ujerumani pia vilifaidika kutokana na ukuaji huo.

Kwa mfano,sekta ya bidhaa za elektroniki ilishuhudia ukuaji wa kama asilimia 12.Hiyo hasa ni kutokana na maagizo makubwa kutoka China.

Vize-PM Chinas Li Keqiang zum Besuch der BMW Welt Li Keqiang und Reithofer, BMW Vorstandschef Aufnahmedatum: 08.01.2011

Li Keqiang (kushoto)alipotembelea kiwanda cha magari ya BMW, kusini mwa Ujerumani.

Na katika sekta ya viwanda vya kutengenezea magari, biashara ya makampuni ya VW,Daimler na BMW iliongezeka kwa takriban maradufu.Hata makampuni ya kemikali kama Bayer,BASF na Lanxess yamepata donge lake,kwani China ni mnunuzi muhimu kabisa wa bidhaa zinazotoka viwanda hivyo vya kemikali.

Mshauri Achim Haug wa shirika la biashara na uwekezaji la Ujerumani kwenye kanda ya Asia na Pasifik, "Germany Trade and Invest" anasema:

CLIP: HAUG:

"China ni soko kubwa kwa teknolojia ya kuhifadhi mazingira; na makampuni ya Kijerumani yanatia fora katika sekta hiyo,kote duniani. "

China inataka kuboresha miundo mbinu ya usafiri na inataka pia teknolojia ya hali ya juu. Mageuzi hayo ya kiuchumi yatahitaji vifaa bora zaidi na makapuni ya Kijerumani yataweza kutimiza mahitaji hayo.

Kwa jumla, uhusiano wa kibiashara kati ya China na Ujerumani umeimarika kufuatia mzozo wa kiuchumi na fedha.Kwa mara ya kwanza China ni muuzaji mkubwa kabisa wa bidhaa zake nchini Ujerumani na kibiashara ni mshirika wake mkubwa kabisa nje ya Umoja wa Ulaya.

Na kwa China, Ujerumani ni mwekezaji wake mkubwa kabisa kutoka bara la Ulaya.Kwa maoni ya mtaalamu Haug,nchi za magharibi vile vile hunufaika kutokana na maendeleo yanayopatikana nchini China.

  • Tarehe 10.01.2011
  • Mwandishi Zhang,Danhong/ZPR/P.Martin/RTRE
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/QpJU
  • Tarehe 10.01.2011
  • Mwandishi Zhang,Danhong/ZPR/P.Martin/RTRE
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/QpJU

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com