1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD:Msikiti wa Lal bado umezingirwa na polisi

Polisi wa nchini Pakistan bado wameuzingira msikiti wa Lal katika mji mkuu wa Islamabad.

Wakati huo huo polisi wamezidisha shinikizo dhidi ya wale ambao bado wamo ndani ya msikiti huo na kuwataka wajisalimishe.

Mapema leo ilisikika milio ya risasi baada ya polisi kufanikiwa kutegua vifaa vya kulipuka nje ya msikiti huo.

Lal Masjid au msikiti mwekundu umehusika na kampeni za kuitaka serikali ya Pakistan iidhinishe baadhi ya sharia za kiislamu katika katiba ya nchi hiyo.

Takriban watu 16 wameuwawa kufuatia mapambano ya siku mbili kati ya wanafunzi wenye msimasmo mkali na polisi.

Wanafunzi 50 walikubaliwa kuondoka kutoka kwenye msikiti huo leo hii baada ya kuchunguzwa na polisi.

Mmoja kati ya viongozi wa msikiti huo alikamatwa pale alipotaka kutoroka huku akiwa amevalia mavazi ya kike.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com