1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

HELSINKI.Mawaziri wa nchi za umoja wa ulaya kujadiliana juu ya DRC na Kosovo

Mawaziri wa ulinzi wa nchi za Umoja wa Ulaya wanatarajiwa kukutana kwa siku mbili nchini Finland.

Katika mkutano wao mawaziri hao watajadili jukumu la umoja huo katika Jamuhuri ya Kidemokrasi ya Kongo na Kosovo.

Umoja wa Ulaya unakabiliwa na shinikizo la kuongeza muda wa wanajeshi wake katika Jamuhuri ya Kidemokrasi ya Kongo baada ya kumalizika kwa uchaguzi na kuhesabiwa kura ifikapo Desemba mosi.

Kwa sasa kuna wanajeshi 1000 wa umoja wa ulaya wakiongozwa na jeshi la Ujerumani.

Wakati huo huo mpatanishi wa umoja wa mataifa wa jimbo la Kosovo Marti Ahtisaari anatarajiwa kuwahutubia mawaziri wa Umoja wa Ulaya juu ya hali ya baadaye ya Kosovo.

Mazungumzo hayo yanatarajiwa kukamilika mwishoni mwa mwaka, huku jimbo la Kosovo likitarajiwa kupata utawala utakaosimamiwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com