’کوا اڑا ہنس کی پرواز‘

آپ یقیناً صحیح سوچ رہے ہیں ایسا انسانوں کے لیے تو ممکن نہں ہاں البتہ پرندے کسی بھی قانونی قباحت سے آزاد ہیں یا  یوں بھی  کہہ سکتے ہیں کہ ان پر کوئی حدود وقیود لاگو نہیں ہوتیں۔ 

ایئرلائن کے ترجمان کا کہنا تھا،’’ ہم نے کوے کو جب کیبن میں بیٹھے ہوئے دیکھا تو اُسے اڑانے کی کوشش کی مگر وہ نہیں اڑا، بعد ازاں ہمیں وقت پر پرواز کرنا تھی اس لیے جہاز اڑا دیا۔‘‘

 سنگاپور سے لندن کے لیے اڑان بھرنے والی سنگاپور ایئرلائن پرواز میں مسافروں کے بعد بزنس کلاس کی خالی نشست پر ایک کوّا آ کر بیٹھ گیا، جس کو عملے نے اڑانے کی کوشش کی مگر وہ باہر نہیں نکلا۔

 انتظامیہ اب تک اس بات کو جاننے سے قاصر ہے کہ کوّا جہاز کے اندر داخل کیسے ہوا کیونکہ رن وے کے قریب حفاظتی انتظامات کے تحت کسی پرندے کو آنے کی اجازت نہیں ہوتی۔

 سنگاپور سے لندن ایئرپورٹ جانے والی پرواز نمبر ایس کیو 322 کا سفر 14 گھنٹے میں طے ہوا۔ یہ واقعہ 7 جنوری بروز پیر کو پیش آیا۔ جہاز کی انتظامیہ نے کوّے کو لندن کے ہیتھرو ایئرپورٹ پر حکام کے حوالے کیا، جسے بعد میں آزاد چھوڑ دیا گیا۔