نئی دہلی: بھارتی انتخابات شوبز شخصیات سیاسی میدان میں بھی
بھارتی لوک سبھا کی 542 نشستوں کے لیے ہونے والے انتخابات میں بھارتی سیاسی شخصیات کے علاوہ شوبز، اسپورٹس اور دیگر شعبہ ہائے زندگی سے تعلق رکھنے والی نامور شخصیات نے بھی قسمت آزمائی کی ہے۔
اداکارہ کرن کھیر
اداکارہ کرن کھیر بھی بی جے پی کی امیدوار ہیں۔ انہوں نے چھتیس گڑھ کے حلقے سے الیکشن لڑا۔ انہیں چندی گڑھ کی نشست پر اپنے مخالفین پر برتری حاصل ہے۔کرن کھیر کا مقابلہ منجھے ہوئے سیاستدانوں سے تھا۔
اداکار شتروگن سنہا
شتروگن سنہا ریاست بہار کے حلقے پٹنا صاحب سے کانگریس کی سیٹ پر انتخابی میدان میں اترے تھے۔شتروگن سنہا کا مقابلہ منجھے ہوئے سیاستدانوں سے تھا جنہوں نے سنہا کو پچھاڑ دیا۔
اداکارہ ہیما مالینی
ماضی کی مقبول اداکارہ ڈریم گرل ہیما مالنی 2014 ء میں بھی لوک سبھا کی رکن منتخب ہوئی تھیں اور اس بار بھی انہوں نے میدان مار لیا۔ہیما مالنی ریاست اتر پردیش کے حلقے ماتھرا سے بی جے پی کی ٹکٹ پر الیکشن لڑ رہی تھیں۔
اداکار راج ببر
ماضی کے مقبول اداکار راج ببر اس بار بھی لوک سبھا کے انتخابات میں کھڑے ہوئے تھے، وہ اس بار ریاست اتر پردیش کے حلقے فتح پور سیکری سے کانگریس کی ٹکٹ پر میدان میں اترے۔راج ببر کا مقابلہ بی جے پی سمیت دیگر حریفوں سے تھا مگر انہیں ناکامی کا سامنا کرنا پڑا۔
اداکارہ ارمیلا مٹونڈ
اداکارہ ’ ارمیلا مٹونڈکر‘ نے انڈین نیشنل کانگریس کے پلیٹ فارم سے شمالی ممبئی سے انتخاب میں حصہ لیا اور غیر سرکاری نتیجے کے مطابق شکست سے دوچار ہوئی ہیں۔
سمریتی ایرانی
سابق بھارتی ٹی وی اداکارہ اور سیاسی رہنما سمریتی ایرانی نے ایک مرتبہ پھر بی جے پی کے ٹکٹ پر ضلع امیتھی سے انتخابات میں حصہ لیا اور غیرسرکاری نتیجے کے مطابق انہیں مخالف امیدوار پر برتری حاصل ہے
اداکار سنی دیول
ان کے علاوہ اداکار سنی دیول انتخابی نتیجے میں مخالف امیدواروں سے آگے ہیں جن کا حتمی نتیجہ آنا ابھی باقی ہے۔