منچھر جھیل کی تباہی دراصل علاقے کے حیاتیاتی تنوع کی موت ہو گی۔ یہ تھا موضوع ایوب راجپر کی ایک ویڈیو رپورٹ کا، جو انہوں نے ڈی ڈبلیو اکیڈمی اور جرمن فارن آفس کے تعاون سے منعقد کیے گئے ایک انعامی مقابلے کے لیے بنائی۔ راجپر کی اس تحقیقاتی رپورٹ کو اس مقابلے میں تیسری پوزیشن حاصل ہوئی۔ اس مقابلے میں دس پاکستانی نوجوان صحافیوں نے بھی دیگر ماحولیاتی موضوعات پر ویڈیو رپورٹس تخلیق کیں۔