شام کی جنگجو خواتین

کالج کی سابق سترہ سالہ اس اسٹوڈنٹ نے خواتین پر مشتمل اُس جنگجو گروپ میں شمولیت اختیار کر لی ہے، جو حکومتی فورسز کے حملوں سے دفاع کے لیے بنایا گیا ہے۔ صوبہ حلب کے مضافاتی علاقے صلاح الدین میں سرگرم اس گروپ کا نام ’ام المومنین عائشہ‘ ہے۔

کالج کی سترہ سالہ اس سابق طالبہ کے اہداف واضح ہیں۔ یہ اسد حکومت کے خلاف جنگ میں حصہ لینا چاہتی ہے، جس کے لیے اس کی تربیت کی جاری رہی ہے۔

شام میں خواتین پر مشتمل یہ واحد عسکری گروپ ہے، جسے ابو دیب تربیت فراہم کر رہے ہیں۔ ہتھیاروں کو استعمال کرنے کی ٹریننگ شہر صلاح الدین کے ایک نامعلوم مضافاتی علاقے میں دی جاتی ہے۔

جنگجو باغی گروپ کی ایک رکن اپنے ساتھیوں کے شانہ بشانہ کھڑے ہو کر رائفل استعمال کرنے کا طریقہ سیکھ رہی ہے۔

اس عسکری گروپ کی تمام خواتین جنگجوؤں کو یہ بھی تربیت فراہم کی جاتی ہے کہ حکومتی فورسز کے خلاف گھمسان کی جنگ کس طرح لڑنا ہے اور صدر اسد کے فوجیوں کو کس طرح نشانہ بنانا ہے۔

’ام المومنین عائشہ‘ گروپ کے فائٹنگ یونٹ کی سربراہ اپنی ایک ساتھی کو یہ بتا رہی ہیں کہ کس طرح نشانہ باندھنا ہے اور سنائپر رائفل کا استعمال کیسے کرنا ہے۔

اس گروپ کی خواتین جنگجو شہر صلاح الدین کے مضافات میں اگلے مورچوں کے قریب کھڑی ہیں۔ یہاں کے آدھے علاقے پر باغیوں کا قبضہ ہے جبکہ آدھے پر حکومتی فورسز کا کنٹرول ہے۔

یہ باغی لڑکی یونیورسٹی کی طالبعلم تھی۔ خانہ جنگی کے بعد جب حکومتی فوجیوں کی بمباری کے دوران اس نے نہ صرف اپنی حفاظت کی بلکہ اپنے ہمسایوں کی بھی جان بچائی۔

ان خواتین کو ابھی ٹریننگ دی جارہی ہیں۔ فری سیریئن آرمی کے تربیت کار انہیں مختلف ہتھیاروں کا استعمال سکھاتے ہیں۔

شام میں جنگ زدہ علاقوں میں نہ صرف حکومتی فوج بلکہ باغیوں کے پاس بھی ماہر نشانہ باز موجود ہیں۔ ام المومینین فائٹنگ یونٹ کی ایک خاتون زُوم کرتے ہوئے سنائپر رائفل کی تربیت حاصل کر رہی ہے۔