1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں
ثقافتجرمنی

سانتا کلاز کے نام بچوں کے ہزاروں خطوط، جوابات بھیج دیے گئے

28 دسمبر 2021

رواں برس کئی ملکوں سے بچوں نے سینٹ نکولاؤس کو تیس ہزار خطوط تحریر کیے۔ کرسمس کے لیے وقف جرمن ڈاک خانے نے ان ہزاروں خطوط کے جوابات ارسال کیے، جو ایک ریکارڈ ہے۔

https://p.dw.com/p/44vAq
Nikolauspostamt in St. Nikolaus eröffnet
تصویر: Oliver Dietze/dpa/picture alliance

جرمن نیوز ایجنسی ڈی پی اے کے مطابق کرسمس کے موقع پر سانتا کلاز کے نام جرمن بچوں نے کم از کم تیس ہزار خطوط ارسال کیے۔ جرمن پوسٹ آفس نے ان خطوط کے باقاعدہ جوابات بھی دیے ہیں۔ یہ جوابی خط کرسمس پوسٹ آفس کی جانب سے بھیجے گئے۔ بچوں نے خطوط سینٹ نکولاؤس سے وابستہ ایک گاؤں کے پتے پر بھیجے تھے۔

کرسمس پر ’کے ایف سی‘ کھانا جاپانیوں کا پسندیدہ مشغلہ

جرمن پوسٹ آفس کے ہزاروں جوابات

سینٹ نکولاؤس سے وابستہ گاؤں فرانسیسی سرحد کے قریب جرمن ریاست زارلینڈ میں واقع ہے۔ سینٹ نکولاؤس کو بچوں کی جانب سے خطوط لکھنے کی یہ روایات برسوں سے جاری ہے۔

BdT Weihnachtsmann nimmt Arbeit auf in Himmelpfort
سانتا کلاز کو لکھے گئے خطوط کی پڑتال اور جواب کا سلسلہتصویر: AP

پیر اٹھائیس دسمبر کو جرمن پوسٹ آفس نے بتایا کہ بچوں کے تحریر کردہ خطوط کے جوابات دینے کے لیے چوالیس رضاکاروں کی خدمات حاصل کی گئی تھیں۔

بچوں کے خطوط

سانتا کلاش کو لکھے گئے کل خطوط کی تعداد تیس ہزار سات سو گیارہ تھی۔ یہ خطوط تینتالیس ممالک سے روانہ کیے گئے تھے۔

زیادہ تعداد یعنی نوے فیصد خطوط جرمن بچوں نے روانہ کیے تھے۔ جرمنی کے باہر سے تائیوان کے بچوں نے سب سے زیادہ خط لکھے اور ان کی تعداد ایک ہزار تراسی تھی۔

ہر جوابی خط کے لفافے پر سینٹ نکولاؤس کی ٹکٹ بھی چسپاں کی جاتی ہے۔ جرمن محکمہ ڈاک نے سارے جرمنی میں سینٹ نکولاؤس کے نام آنے والے خطوط کے جواب دینے کے لیے سات شاخیں کھول رکھی تھیں۔

زیریں سیکسنی کو موصول ہونے والے خطوط

سانتا کلاز کے نام خطوط سینٹ نکولاؤس کے گاؤں کے علاوہ کچھ اور مقامات کی جانب بھی ارسال کیے جا سکتے ہیں۔ ان میں ایک برانڈن برگ کا ہِملفورٹ، نارتھ رائن ویسٹ فالیا کا قصبہ اینگلکِرشن اور جنوبی جرمن ریاست باویریا کا قصبہ ہِملشٹد ہیں۔

برونائی میں کرسمس منانے پر پابندی

رواں برس کرسمس کے موقع پر زیریں سیکسنی میں قائم ڈٰاکخانے کی تین شاخوں کو اسی ہزار خطوط موصول ہوئے اور یہ اٹھاون ملکوں سے لکھے گئے تھے۔ ان میں چین، مراکش، آسٹریلیا، ارجنٹائن اور امریکا وغیرہ بھی شامل ہیں۔

دھاروی وید (ع ح / اب ا)