سابقہ امریکی خاتونِ اول باربرا بُش وفات پا گئیں

امریکی دارالحکومت واشنگٹن سے موصول ہونے والی اطلاعات کے مطابق سابق خاتون اول بروز منگل اس دنیا سے رخصت ہوگئی تھی۔ باربرا بش نے جارج بش سینئر کے ہمراہ تہتر برس ازدواجی زندگی بسر کرنے کے بعد علیحدگی کا فیصلہ کیا تھا۔ ان کے چیف آف سٹاف کا کہنا ہے کہ بش سینئر  اپنی اہلیہ کے آخری لمحات میں ان کے ساتھ موجود تھے اور وہ آخری رسومات میں بھی شرکت کریں گے۔

بُش خاندان کی امریکی سیاسی جماعت ریپبلیکن پارٹی سے طویل وابستگی رہی ہے۔ امریکا کی مرکزی سیاست میں بش خاندان کم و بیش فیصلہ کن اہمیت کا حامل رہا ہے۔  باربرا بش ایک طرف سابق امریکی صدر کی اہلیہ تھیں تو دوسری جانب ان کے بیٹے جارج ڈبلیو بُش جونیئر بھی صدارت کا عہدے پر فائض رہ چکے ہیں۔ باربرا بش کی آخری رسومات کا حتمی اعلان اہلِ خانہ سے مشاورت کے بعد جلد ہی کیا جائے گا۔

سن 1989 سے 1993 تک امریکا کی خاتون اول رہنے والی  باربرا بش کی عقیدت میں ریپبلیکن جماعت سے تعلق رکھنے والے موجودہ امریکی صدر ڈونلڈ ٹرمپ نے تمام سرکاری اور عسکری دفاتر میں قومی پرچم سرنگوں رکھنے کا اعلان کیا ہے۔

دوسری جانب ڈیموکریٹک جماعت کے سابق صدر اوباما نے تعزیتی پیغام میں کہا کہ بابرا بش کی زندگی اس ’امریکی قومی جذبے‘ کی بہترین عکاس ہے، جس میں عوامی خدمت کو بنیادی اہمیت حاصل ہے۔

ع آ۔ ا ا۔ (اے ایف پی)