1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

ریاض: تفریحی میلے کے دوران حملہ

12 نومبر 2019

یہ حملہ ریاض میں ایک تفریحی میلے میں پیش کی جانے والی ایک پرفارمنس کے دوران کیا گیا۔ سعودی ولی عہد اپنے ملک میں موسیقی کی سرگرمیوں کو بتدریج عام کرنے کی کوشش میں ہیں۔

https://p.dw.com/p/3Ss6H
Riad Riyadh Season Festival
تصویر: Reuters/A. Yosri

یہ حملہ ریاض میں ایک ایسے تفریحی میلے کے دوران کیا گیا، جو دو ماہ سے جاری تھا۔ سعودی ولی عہد محمد بن سلمان اپنے ملک میں موسیقی اور تھیٹر کو بہت سے فروغ دینے کی کوششوں میں ہیں۔

سعودی مقامی ذرائع ابلاغ کے مطابق ریاض میں ہونے والے میلے کے دوران اسٹیج پر پرفارم کرنے والے تین افراد چاقو سے کیے گئے اس حملے میں زخمی ہوئے ہیں۔ پولیس کے ترجمان نے سعودی پریس ایجنسی کو بتایا،'' قانون نافذ کرنے والے اداروں نے دو مردوں اور ایک خاتون پر خنجر سے حملہ کے اس واقعے سے نمٹا۔ انہیں پرفارمنس کے دوران نشانہ بنایا گیا۔‘‘

Saudi Arabien König Abdullah Park Messerattacke auf Schauspieler
ریاض سیزن فیسٹیول گزشتہ دو ماہ سے جاری ہےتصویر: Getty Images/AFP/F. Nureldine

اس واقعے کی سامنے آنے والی ویڈیو میں دیکھا جا سکتا ہے کہ کس طرح حملہ آور اسٹیج کی جانب بھاگ رہا ہے اور اس کے پیچھے سکیورٹی افراد ہیں۔ ذرائع کے مطابق حملہ آور تینتیس سالہ یمنی شہری ہے۔ اس حملے کا پس منظر ابھی تک غیر واضح ہے۔

سرکاری نیوز ایجنسی ایس پی اے کے مطابق نشانہ بننے والے افراد کو معمولی زخم آئے ہیں اور انہیں فوری طور پر ابتدائی طبی امداد فراہم کر دی گئی۔ ریاض سیزن فیسٹیول‘ ان کئی میلوں میں سے ایک ہی، جس پر اس انتہائی قدامت پسند ملک میں پابندی عائد تھی۔ سعودی ولی عہد محمد بن سلمان نے ایسی کئی پابندیاں ختم کر دی ہیں۔

ع ج ⁄ ع ح (اے پی، ڈی پی اے)