خیبرپختونخوا، ایک اور انتخابی ریلی پر حملہ

خبر رساں ادارے ڈی پی اے کے مطابق پاکستان میں الیکشن سے قبل انتخابی مہم میں مصروف افراد کے خلاف اس طرز کا یہ دوسرا حملہ ہے۔ بتایا گیا ہے کہ سابق وزیراعلیٰ خیبرپختونخوا احمد خان درانی بنوں میں اس انتخابی ریلی میں شریک تھے، تاہم وہ اس واقعے میں محفوظ رہے۔ مقامی پولیس سربراہ خرم راشد کے مطابق اس بم دھماکے میں درانی کی ریلی کو نشانہ بنا گیا۔

طبی ذرائع کا کہنا ہے کہ اس واقعے میں کم از کم 30 افراد زخمی ہوئے ہیں، جن میں سے بعض کو تشویش ناک حالت میں ہسپتال منتقل کیا گیا ہے۔

پاکستان میں 25 جولائی کا عام انتخابات کا انعقاد ہونا ہے، تاہم خدشات ظاہر کیے جا رہے ہیں کہ انتخابی گہما گہمی میں اس انداز کے پرتشدد واقعات رونما ہو سکتے ہیں۔ واضح رہے کہ درانی کا تعلق مذہبی جماعتوں کے اتحاد متحدہ مجلس عمل سے ہے۔ یہ اتحاد سن 2002 تا 2008 خیبرپختونخواہ میں حکومت کر چکی ہے اور اس وقت درانی ہی اس صوبے میں وزیراعلیٰ رہے۔

اس سے قبل منگل کو پشاور میں سکیولر پشتون جماعت عوامی نیشنل پارٹی کی ایک انتخابی ریلی میں ہوئے خودکش حملے میں ہارون بلور سمیت 20 افراد مارے گئے تھے۔ ہارون بلور کے والد بشیر بلور بھی گزشتہ انتخابات میں ایسے ہی ایک دہشت گردانہ حملے کا نشانہ بنے تھے۔

ع ت الف الف (ڈی پی اے)