خصوصی مراکز کے قیام کی بحث ختم ہو سکتی ہے، جرمن پولیس

وفاقی جرمن پولیس کی ٹریڈ یونین ( DPoLG) کے سربراہ ایرنسٹ والٹر نے جرمن خبر رساں ادارے ڈی پی اے سے بات چیت کرتے ہوئے کہا کہ حراستی مراکز اور دیگر سینٹرز کو قائم کرنے کی بحث اس طرح ختم ہو  سکتی ہے، کہ وفاقی پولیس کو قانونی اجازت نامے کے بغیر جرمنی میں داخل ہونے والے ہر غیر ملکی کو اسی محفوظ پڑوسی ملک میں واپس بھیج دینے کا اختیار دے دیا جائے، جس سے وہ جرمنی میں داخل ہونا چاہتا ہو۔‘‘

انہوں نے مزید کہا کہ اس کے ساتھ ساتھ جرمنی کی تمام وفاقی ریاستوں میں قائم  مراکز میں کافی جگہ بھی مہیا کی جاناچاہیے، تا کہ ان پناہ گزینوں کو وہاں پر رکھا جا سکے، جنہیں ملک بدر کیا جانا ہو۔

جرمنی کی وفاقی مخلوط حکومت کو امید ہے کہ خصوصی حراستی مراکز کے قیام سے سیاسی پناہ کی تقریباً پندرہ سو درخواستوں اور ملک بدری کے فیصلوں پر تیزی سے عمل درآمد ممکن ہو سکے گا۔ اس طرح اگر کسی کی درخواست رد کر دی گئی تو اسے اسی مرکز سے فوری طور پر واپس بھیج دیا جائے گا۔

جرمن وزیر داخلہ کا مہاجرین کی ملک بدریاں تیز کرنے کا منصوبہ

جرمنی: پناہ گزینوں سے متعلق نئے اور سخت ضوابط

مہاجر بچوں اور خواتین کے لیے بیس خصوصی مراکز

جرمن وزیر داخلہ ہورسٹ زیہوفر چاہتے ہیں کہ اس سلسلے میں اولین مراکز اگست اور ستمبر کے مہینے میں ہی اپنا کام شروع کر دیں۔ زیہوفر کہہ چکے ہیں کہ اسی مہینے یا پھر جون کے شروع میں پناہ گزینوں کی ملک بدری کے عمل کو تیز تر بنانے کے ایک جامع منصوبے کا اعلان کر دیا جائے گا۔

برلن حکومت کے مطابق پناہ کی تلاش میں جرمنی آنے والے تمام غیر ملکیوں کو ان کی درخواستوں پر فیصلوں تک خصوصی حراستی مراکز میں رکھا جائے گا۔ ان حراستی مراکز میں تارکین وطن کے قیام کی زیادہ سے زیادہ مدت اٹھارہ ماہ ہو گی۔