بھارتی سپر اسٹار سلمان خان مجرم قرار، پانچ برس قید کی سزا
5 اپریل 2018بالی وڈ کے ‘بیڈ بوائے‘ اور ’ ماچو مین‘ سلمان خان کے علاوہ اس مقدمے میں بالی وڈ کے دیگر نامور اداکار سیف علی خان، تبو، سونالی بیندرے اور نیلم بھی ملزمان نامزد تھے جنہیں عدالت نے بری کر دیا۔
فیصلے کے بعد عدالت کے باہر میڈیا سے بات کرتے ہوئے ان کے وکیل نے بتایا کہ سلمان خان پر دس ہزار روپے جرمانہ بھی عائد کیا گیا ہے۔ وکیل کے مطابق پولیس 52 سالہ اداکار کے وارنٹ گرفتاری تیار کر رہی ہے جس کے بعد انہیں گرفتار کرتے ہوئے جودھ پور سینٹرل جیل منتقل کر دیا جائے گا تاہم انہیں فیصلے کے خلاف اپیل کا حق حاصل ہے۔
سلمان خان کی جان کو خطرہ، فلم کی شوٹنگ منسوخ
سلمان خان ایک اورعدالتی کیس میں بری
یاد رہے کہ 1998 میں سلمان خان، سیف علی خان، تبو، سونالی اور نیلم فلم 'ہم ساتھ ساتھ ہیں' کی شوٹنگ کے لیے جودھ پور میں تھے۔ اس دوران ان پر الزام تھا کہ اپنے ساتھی اداکاروں کے ساتھ انہوں نے ایک گاؤں کے نزدیک نایاب نسل کے دو چنکارا ہرنوں کا شکار کیا جو غیر قانونی ہے۔