امیروں کے امیر
فوربس میگزین نے سن دو ہزار اٹھارہ کے امیر و کبیر افراد کی فہرست شائع کر دی ہے۔ سن دو ہزار سترہ کے مقابلے میں رواں برس کی اس فہرست میں چند ایک تبدیلیاں سامنے آئی ہیں۔
سر فہرست ایک نیا نام
آئن لائن خرید و فروخت کے ادارے ایمیزون کے خالق جیف بیزوس نے بل گیٹس سے دنیا کے امیر ترین شخص ہونے کا اعزاز چھین لیا ہے۔ ان کی اثاثوں کی مالیت 112ارب ڈالر کے برابر بنتی ہے اور اس طرح وہ سو ارب سے زائد کا سرمایہ رکھنے والے دنیا کے پہلے شخص بھی بن گئے ہیں۔
کیا کوئی حد بھی ہے؟
ایسا نہیں ہے کہ مائیکرو سافٹ کے بانی بل گیٹس کے سرمائے میں اضافہ نہیں ہوا ہے لیکن بیزوس نے زیادہ برق رفتاری سے اپنی دولت بڑھائی ہے۔ گیٹس اپنے نوے ارب ڈالر کے اثاثوں کے ساتھ فوربس کی فہرست میں دوسرے نمبر پر ہیں۔
بچپن سے کاروبار
تیسرے نمبر پر ورانٹ بفٹ ہیں۔ ان کی دولت کا اندازہ 84 ارب ڈالر لگایا گیا ہے۔ بفٹ بچپن سے ہی کاروبار کر رہے ہیں۔ انہوں نے اپنے اس سفر کے دوران اخبار فروشی کی، گولف کی گیندیں فروخت کی ہیں اور گاڑیوں کو دھویا بھی۔
امیروں کے درمیان ذوق جمال
دنیا کی پہلی تین امیر ترین شخصیت کا تعلق امریکا سے ہے جبکہ اس فہرست میں چوتھے نمبر پر فرانسیسی شہری بہیرنار آرنو ہیں۔ آرنو متعدد لگژری اشیاء بنانے والی کمپنی ’ایل وی ایم ایچ‘ یعنی موؤٹ ہینیسی لوئی ویٹوں کے مالک ہیں۔ سن دو ہزار سترہ میں ان کی مجموعی دولت 72 ارب ڈالر تھی۔
والمارٹ کی وارث
امریکی شہری ایلس والٹن کے اثاثے 46 ارب ہیں۔ وہ والمارٹ کے بانی سیم والٹن کی سب سے چھوٹی بیٹی ہیں۔ اپنے والد کے انتقال کے بعد انہیں والمارٹ وراثت میں ملی۔ اپنے 173 ارب ڈالر کے اثاثوں کے ساتھ والٹن امریکا کا امیر ترین خاندان بھی ہے۔
آلڈی زوڈ
امیر ترین جرمن شہری آلڈی ذوڈ سپر مارکیٹ کے وارث کارل البریشٹ جونیئر اور ان کی ہمشیرہ بی آٹے ہائٹر ہیں۔ ان دونوں کے مجموعی اثاثے 30 ارب ڈالر کے مساوی بنتے ہیں۔
پیسہ خوشی دیتا ہے
25 ارب ڈالر کے سرمائے کے ساتھ سوزانے کلاٹن جرمنی کی امیر ترین خاتون ہیں۔ وہ فوربس کی فہرست میں بتیس ویں نمبر پر ہیں۔ انہیں بھی یہ امارت وراثت میں ملی ہے۔
نوجوانی میں امیر
رواں برس بائیس سو ارب پتی افراد میں سے صرف 63 چالیس سے کم عمر ہیں۔ تاہم سب سے کم عمر ارب پتی ناروے کی اکیس سالہ آلیکسزاندرا اینڈرسن اور ان کی بائیس سالہ بہن کاتھارینا ہیں۔ ان کے والد نے کمپنی ’فیئرڈ‘ اپنی دونوں بیٹیوں کے نام کر دی ہے۔ اس کمپنی کے اثاثے 1.4 ارب ڈالر ہے۔
صدر بھی فہرست میں شامل
فوربس میگزین کی دنیا کے امیر ترین افراد کی فہرست میں امریکا کے ارب پتی صدر ڈونلڈ ٹرمپ کا نمبر کون سا ہے؟ سربراہ ریاست بننے کے بعد وہ اس فہرست میں اپنے پرانے مقام سے دو سو درجے نیچے چلے گئے ہیں۔ آج ان کے اثاثوں کا تخمینہ چار سو ملین ڈالر کی کمی کے ساتھ 3.1 ارب ڈالر ہے۔