آئی فون سے آئی فون 12 تک کا سفر
2007ء ميں جب پہلا آئی فون لانچ کيا گيا تو کسی کو يہ اندازہ نہ تھا کہ آئی فون اسمارٹ فون انڈسٹری اور سوشل ميڈيا کی بدلتی ہوئی دنيا ميں کس قدر کامياب ثابت ہو گا۔ آئی فون کی ابتداء سے آئی فون بارہ تک کے سفر کی جھلکياں۔
ابتدائی ’آئی فون‘ ايک گيم چينجر
پہلا آئی فون انتيس جون سن 2007 کو متعارف کرايا گيا تھا۔ ابتدائی ماڈل کا نام ’آئی فون‘ تھا جو ايپل کے اسمارٹ فون کی پہچان بن گيا۔ يہ اسمارٹ فون دو ميگا پکسل کے کيمرے، ٹچ اسکرين اور ديگر کئی صلاحيتوں سے ليس تھا۔ يہ فون کئی اعتبار سے اسمارٹ فونز کی مارکيٹ ميں ’انقلابی‘ ثابت ہوا۔
آئی فون تھری جی
ايپل نے گيارہ جولائی سن 2008 کو آئی فون تھری جی متعارف کرايا۔ اس کی اہم ترین خاصيت ’تھری جی‘ انٹرنيٹ ٹيکنالوجی سے ہم آہنگی تھی، جو اس وقت ايک بڑی بات تھی۔
’آئی فون تھری جی ايس‘
19 جون سن 2009 کو ’آئی فون تھری جی ايس‘ متعارف کرايا گيا۔ اس فون ميں تين ميگا پکسل کا کيمرہ نصب تھا اور ويڈيو ريزوليوشن 480p تھی۔ يہ بنيادی طور پر گزشتہ ماڈل کا ايک زيادہ طاقتور ورژن تھا۔
’آئی فون فور‘
لگ بھگ ايک سال بعد اکيس جون سن 2010 کو ’آئی فون فور‘ متعارف کرايا گيا۔ اس فون ميں پانچ ميگا پکسل کا کيمرا نصب تھا اور يہ 720p ريزوليوشن تک کی ويڈيو بنا سکتا تھا۔ يہ ايچ ڈی يا ہائی ڈيفينيشن ويڈيو ريکارڈ کرنے والا اولين فون کیمرا تھا۔
’آئی فون فور ايس‘
چودہ اکتوبر سن 2011 کو ايپل نے آئی فون فور ايس متعارف کرايا، جو سابقہ ماڈل کا ايک زيادہ ايڈوانسڈ ورژن تھا۔ اس کے کيمرے کی صلاحيت آٹھ ميگا پکسل اور ويڈيو کی فل ہائی ڈيفينيشن 1080p تھی۔
’آئی فون فائيو‘
اکيس ستمبر سن 2012 کو ايپل نے آئی فون فائيو متعارف کرايا۔ اس فون ميں بيک کيمرا آٹھ ميگا پکسل کا اور فرنٹ کيمرا 1.2 ميگا پکسل کا تھا جب کہ يہ ہائی ڈيفينيشن 1080p ويڈيو بنانے کی صلاحيت کا حامل بھی تھا۔
’فائيو سی‘ اور ’فائيو ايس‘
ايپل نے بيس ستمبر سن 2013 کو ’آئی فون فائيو سی‘ اور ’آئی فون فائيو ايس‘ متعارف کرائے۔
’آئی فون سِکس اور سِکس پلس‘
سن 2014 ميں آئی فون سکس اور سکس پلس بھی متعارف کرا ديے گئے۔ يہ دونوں فون انيس ستمبر کو متعارف کرائے گئے اور اب تک دنيا بھر ميں 169.22 ملين آئی فون سکس اور سکس پلس فروخت کيے جا چکے ہيں۔
’سِکس ايس اور سِکس ايس پلس‘
پھر 25 ستمبر سن 2015 کو ايپل نے آئی فون سِکس کے دو نئے ورژن سِکس ايس اور سِکس ايس پلس متعارف کرائے۔ يہ ماڈل کافی کامياب رہے اور مجموعی طور پر 231.22 ملين سِکس ايس اور سِکس ايس پلس فروخت ہوئے۔
آئی فون سيون کی آمد
مارکيٹ ميں بڑھتی ہوئی مانگ کو ديکھتے ہوئے ايپل نے اپنی حکمت عملی بدلی اور مختلف قسم کے صارفين کے ليے مختلف ماڈل متعارف کرائے۔ سن 2016 ميں آئی فون ايس ای، آئی فون سيون اور سيون پلس متعارف کرائے گئے۔
آئی فون ايٹ اور ’سِری‘ کی آمد
اسی طرح سن 2017 ميں بھی تين ماڈل لانچ کيے گئے۔ آئی فون ايکس، آئی فون ايٹ اور ايٹ پلس۔ ان فونز ميں ايپل نے سری کو بھی متعارف کرايا، جو وائس کمانڈ کے ذريعے مختلف فنکشنز مکمل کرنے والا ايپل کا خصوصی وائس اسسٹنٹ ہے۔
آئی فون ايکس ايس، ميکس اور ايکس آر
دو برس قبل ايپل نے پھر تين ماڈل متعارف کرائے، آئی فون ايکس ايس، ميکس اور ايکس آر۔ يہ تينوں ہی ماڈل مختلف صارفين کو ذہن ميں رکھتے ہوئے لانچ کيے گئے تھے۔ ان کی فروخت کا حجم 217.73 ملين رہا۔
آئی فون اليون، آئی فون پرو اور آئی فون ميکس
سن 2019 ميں ايپل نے آئی فون اليون، آئی فون پرو اور آئی فون ميکس لانچ کيے۔ اب چونکہ اسمارٹ فون پر اعلٰی کوالٹی کی ويڈيوز بننے لگی ہيں اور يو ٹيوب، ٹک ٹاک اور فيس بک جيسے کسی پليٹ فارمز پر مواد کا انبار ہے، ايپل نے مختلف صلاحيت اور خصوصيات والے فون بنائے، جو کہ صارف کے ضرورت کے مطابق تھے۔
آئی فون 12 کی آمد، ساتھی ہی کئی ديگر ماڈل بھی
تيرہ اکتوبر کو آئی فون نے آئی فون 12 لانچ کيا۔ فائيو جی ٹيکنالوجی سے ليس يہ فون انتہائی اعلٰی معيار کی سہوليات سے آراستہ ہے۔ اس کے تين مختلف ورژن بھی عنقريب دستياب ہوں گے، آئی فون ٹوئيلوو مِنی، پرو اور تھری ڈی۔