ہپ ہاپ آرٹسٹ جے زی ارب پتی بن گئے | فن و ثقافت | DW | 05.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

فن و ثقافت

ہپ ہاپ آرٹسٹ جے زی ارب پتی بن گئے

دنیا میں ہپ ہاپ میوزک کے فنکار جے زی ارب پتی بن گئے ہیں۔ ہپ ہاپ میوزک امریکا میں افریقی امریکی اور لاطینی امریکی فنکاروں کے مسلسل کاوشوں کا نتیجہ خیال کیا جاتا ہے۔

عالمی سطح پر ارب پتی اور امراء کے دولت و اثاثوں پر نگاہ رکھنے والے میگزین فوربز نے جے زی آرٹسٹ کو ارب پتی قرار دے دیا ہے۔ وہ پہلے ہپ ہاپ آرٹسٹ ہیں جو ارب پتیوں کی صف میں شامل ہوئے ہیں۔ فوربز کے مطابق جے زی کی دولت کا حجم ایک ارب امریکی ڈالر ہے۔

فوربز میگزین نے جے زی کے ارب پتی بننے کے حوالے سے رپورٹ کیا کہ انہوں نے مسلسل اپنے میوزیکل بینڈ کو تقویت دینے کی کوشش کی ہے اور ان کے میوزیکل گروپ کی کامیابی ہی اُن کے ارب پتی بننے میں اہم رہی ہے۔ فوربز کے مطابق جے زی نے اس دوران پوری توجہ اپنے میوزک گروپ رکھی اور دوسرے کاروبار پر فوکس نہیں کیا لیکن وہ کئی اداروں میں سرمایہ ضرور کر چکے ہیں۔

امریکی شہر نیویارک میں جے زی کی پیدائش چار دسمبر سن 1969 کو ہوئی تھی۔ ان کا اصل نام شان کارٹر ہے۔ وہ میوزک کا شوق اپنانے سے قبل منشیات کی فروخت میں بھی ملوث رہے ہیں۔ سن 1996 میں ان کا پہلا البم ریلیز ہوا اور اب تک ان کے چودہ البم جاری کیے جا چکے ہیں۔ جے زی کے میوزیکل البمز کو بہت زیادہ عوامی پذیرائی حاصل ہوئی ہے۔

BRIT Awards 2019 Jay Z and Beyonce ARCHIVBILD (Getty Images for NARAS/C. Polk)

جے زی اپنی اہلیہ بیونسے کے ہمراہ زیمی ایوارڈز کی تقریب میں

فوربز میگزین کے مطابق جے زی ایک پرتعیش زندگی بسر کرتے ہیں۔ انہوں نے مختلف کمپنیوں میں سرمایہ کاری بھی کر رکھی ہے۔ انہیں اس سرمایہ کاری سے بھی مسلسل سرمائے کا حصول ہو رہا ہے۔ جے زی کی مجموعی سرمایہ کاری 220 ملین ڈالر سے زائد ہے۔ صرف اُوبر میں ستر ملین ڈالر کی سرمایہ کاری کر رکھی ہے۔ سرمایہ کاری کے علاوہ وہ نیویارک سٹی اور لاس اینجلیز میں انتہائی مہنگے علاقوں میں وسیع جائیدادیں بھی رکھتے ہیں۔

جے زی نے سن 2008 میں مشہور مغنیہ بیونسے سے شادی کی تھی۔ یہ شادی ابھی تک برقرار ہے۔ بیونسے کے اثاثوں کا حجم بھی ساڑھے 300 ملین ڈالر سے زائد ہے اور یہ اثاثے جے زی کے ارب پتی ہونے میں شامل نہیں کیے گئے ہیں۔

DW.COM